چارەسەری دڵ ڕەقی : ماڵپەڕی وەڵامەکان
چارەسەری دڵ ڕەقی 
پرسیار:

هەست بەوە دەکەم دڵم ڕەقه ، جا چى بکەم و چارەسەرى چیە؟

دوو شت ئەنجام بدە:
یەکەم: زۆر قورئان بخوێنە ،خوای پەروەردگار فەرموویەتی : ﴿لَوْ أَنْزَلْنَا هَذَا الْقُرْآنَ عَلَى جَبَلٍ لَرَأَيْتَهُ خَاشِعاً مُتَصَدِّعاً مِنْ خَشْيَةِ اللَّهِ﴾ [الحشر:21].
ئه‌گه‌ر ئه‌م قورئانه‌ پیرۆزه‌مان دابه‌زاندایه‌ته‌ سه‌ر شاخه‌كان ئه‌وا ئه‌تانبینی ئه‌و شاخانه‌ وردو خاش ئه‌بوون و تێكئه‌شكان له‌ ترسی خوای گه‌وره‌، له‌به‌ر ئه‌وه‌ی قورئانی پیرۆز ئایه‌تی زۆرى تیادایه‌ كه‌ باسی گه‌وره‌یی خوای گه‌وره‌و سزای خوای گه‌وره‌ ئه‌كات، به‌ڵام دیاره‌ ئێوه‌ دڵتان له‌و شاخانه‌ ڕه‌قتره‌ .

وە من هیچ شتێک نازانم توند تر وڕەق تر بێت له بەرد ، لەگەڵ ئەوەشدا گەر قورئان دابەزیایەتە سەری دەتبینی زۆر ملکەچ دەبوو لەترسی خودا ، لەم بارەیەوە ابن عبد القوي رحمه الله دەڵێت:

وحافظ على درس القرآن فإنه * يُليّن قلباً قاسياً مثل جلمدِ.
وئاگاداری دەرسی قورئان بە بەڕاستی ئەوە  دڵی ڕەق هاوشێوەی بەرد نەرم دەکات
    
بەڵام تەنها مەبەست خوێندن بەزمان نی یە ، بەڵکو دەبێ لەو کاتەدا دڵیشی ئامادە بێت و ورد بێتەوە لێی ، ئەوە بێگومان دڵ نەرم دەکات لەهەموو حاڵەتێکدا .

دووەم: زیکر ویادی خودا بکە ،هاوشێوەی: لا ٳلە الا اللە ، والله ٲکبر ، وسبحان اللە ، والحمد للە ، بەمەرجێک بەدڵ وزمان بێت ، چونکە ژیانی مرۆڤ لەسەر دڵە ، هەرکات دڵ زیندوو بوو لاشەش زیندوو دەبێت ، هەر بۆیە خوای پەروەردگار فەرموویەتی: ﴿وَلا تُطِعْ مَنْ أَغْفَلْنَا قَلْبَهُ عَنْ ذِكْرِنَا﴾ [الكهف:28] .
واته: وه‌ گوێڕایه‌ڵی ئه‌و كه‌سانه‌ مه‌كه‌ كه‌ دڵیانمان بێئاگا كردووه‌ له‌ زیكری خۆمان وه‌ شوێن هه‌واو ئاره‌زووی خۆیان كه‌وتوونه‌ .

جا نەیفەرمووە : گوێڕایەڵی کەسانێک مەکه کەزمانیمان بێ ئاگا کردووە لەیادی خۆمان ، بەڵکو فەرموویەتی: ﴿أَغْفَلْنَا قَلْبَهُ﴾ وزۆر کەس هەن بەزمان یادی خودا دەکەن بەڵام دڵیان بێ ئاگایە ، جا زیکر لەو حاڵەتەدا شوێنەوارێکی بەهێزی نابێت ، بەڵام گەر دڵ وزمان کۆ بوونەوە ئەوکات سوودێکی زۆری دەبێت وکاریگەری دەبێت لەسەر دڵ ،خوای پەروەردگار فەرموویەتی: ﴿اللَّهُ نَزَّلَ أَحْسَنَ الْحَدِيثِ كِتَاباً مُتَشَابِهاً مَثَانِيَ تَقْشَعِرُّ مِنْهُ جُلُودُ الَّذِينَ يَخْشَوْنَ رَبَّهُمْ ثُمَّ تَلِينُ جُلُودُهُمْ وَقُلُوبُهُمْ إِلَى ذِكْرِ اللَّهِ ذَلِكَ هُدَى اللَّهِ يَهْدِي بِهِ مَنْ يَشَاءُ﴾ [الزمر:23]. 

خوای گه‌وره‌ ئه‌و خوایه‌یه‌ كه‌ باشترین فه‌رمووده‌ی دابه‌زاندووه‌ كه‌ قورئانه‌، (ئه‌م ئایه‌ته‌ به‌ڵگه‌یه‌ له‌سه‌ر ئه‌وه‌ى كه‌ قورئانى پیرۆز قسه‌و فه‌رمووده‌ى خواى گه‌وره‌یه‌و دروستكراو نیه‌) ، كه‌ ئه‌و قورئانه‌ پیرۆزه‌ ئایه‌ته‌كانی هه‌مووی موته‌شابیهه‌ واته‌: له‌ جوانی و ڕێكی و ته‌واوی و به‌هێزیدا هه‌مووی له‌ یه‌كتری ئه‌چێت ، وه‌ ئه‌حكام و چیرۆكه‌كانى، یان خوێندنه‌وه‌ی دووباره‌ ئه‌بێته‌وه‌ ، له‌ كاتى بیستنى قورئانى پیرۆزدا ئه‌و كه‌سانه‌ی كه‌ له‌ خوای گه‌وره‌ ئه‌ترسێن به‌ زانسته‌وه‌ پێستیان گرژ ئه‌بێته‌وه‌ له‌ ترسی خوای گه‌وره‌دا ، پاشان كه‌ گوێیان له‌ قورئان ده‌بێت و به‌ ئومێدى ره‌حمه‌تى خواى گه‌وره‌ ده‌بن پێست و دڵیان نه‌رم ئه‌بێ بۆ زیكرو یادی خوای گه‌وره‌ كاتێك كه‌ زیكری خوای گه‌وره‌ ئه‌بیستن، (باوه‌ڕداران به‌ بیستنى قورئان دڵخۆش و دڵئارام ده‌بن و تام و چێژ وه‌رده‌گرن، به‌ڵام خراپه‌كاران به‌ بیستنى قورئان دڵته‌نگ و بێزار ده‌بن و به‌گومانى خۆیان به‌ بیستنى گۆرانى و موسیقاو سه‌مفۆنیا چێژ وه‌رده‌گرن!!!) ، ئه‌م قورئانه‌ هیدایه‌تی خوای گه‌وره‌یه‌و هیدایه‌تی هه‌ر كه‌سێكی پێ ئه‌دات به‌ فه‌زڵى خۆى كه‌ ویستی لێ بێت و شایه‌نی هیدایه‌ت بێ .

نسأل الله لنا ولكم الهداية، وأن يلين قلوبنا لذكره وطاعته، وأن يجعلنا هداة مهتدين وصالحين مصلحين إنه على كل شيء قدير.

المصدر: سلسلة اللقاء الشهري > اللقاء الشهري [24]

الشیخ محمد بن صالح العثیمین - رحمه الله -

سەردان: ٢,٧٣٢ بەش: تەزکیەى نەفس