حوكمى خواردنەوەى(تایگەر): ماڵپەڕی وەڵامەکان
حوكمى خواردنەوەى(تایگەر)
پرسیار:

حوكمى خواردنەوەى(تایگەر)

بەناوى خواى بەخشندەى میهرەبان
هەر شتێك خواردنەوەى زۆرى مرۆڤ بێ هۆش بكات ئەوا خواردنەوەى كەم و زۆرى حەرام دەبێت، چونكە بێهۆشكەر (خمر) ە، ئەوەش زانراوە لاى هەموو كەسێك (خمر) دروست نییە و قەدەغە كراوە لە شەریعەتى ئیسلامدا بەڵگەش ئەوەیە (ما اسكر كثيره فقليله حرام) وە (كلُّ مسكر خمر وكل خمر حرام) جا هەر شتێك ئەسڵەكەى پاك بێت وەك گەنم و جۆ و ترێ...هتد، وە نەگاتە ترشان (خمر) كە مرۆڤ بێهۆش بكات ئەگەر زۆرى لێبخوات ئەوا حەڵاڵە كەوا بوو مەرج ئەوەیە بێهۆش نەكات وە سەرچاوەكەى پاك بێت.
ئەوەش بزانە لیژنەى هەمیشەیى بۆ توێژینەوەى زانستیەكان و فەتوادان بە حەڵاڵیان زانیوە بڕوانە فەتواى ژمارە 6805 كتێبی (فتاوى اللجنة الدائمة)بەرگى 22 لاپەڕەى 148.
تێبینى:
1- هەندێ جار دەنوسرێت ئەندازەى (لە سەدا 2 تا لەسەدا 9) مادەى كحولى تیادایە بۆ ئەمەش زانایان لەهەمان فەتوادا ئەڵێن: ئەگەر ئەمەش زۆرى لێ بخوێت سەرخۆش بكات ئەوا كەم و زۆرى حەرام دەبێت.
2- بۆ ئەو كەسانەى پرسیارى (تایگر) یان كردووە دەبێت بزانین ئەسڵى چییە پاكە یان نا ئەگەر ئەو مەرجانەى تیادا بوو ئەوە حەڵاڵە.
3- ئەم حوكمە بۆ هەموو خواردنەوەیەكە كە سەرخۆش نەكات بەهەر ناوێكەوە بێت.
لەلایەن (مامۆستا خلیل أحمد) ەوە وەڵام دراوەتەوە

========================

ئایا خواردنەوەى ئاوى گازى (TIGER) زیانى هەیە بۆ تەندروستى ؟

 

بەناوى خواى بەخشندە و میهرەبان

براى بەڕێزم

ئەم جۆرە خواردنەوە قەدەغەكراوە لە چەندەها ووڵاتى ئەوروپى یەوە. ئەم جۆرە خواردنەوە وەكو Tiger ووزەى تیایە بەڵام ماددەى كافایینی زۆرە كە ماددەیەكى مخدرە بۆ دەمارگەلى گشتى كە ڕێژەكەى بەرز دەبێت لە خوێنە و ئەگەر زۆر بوو لێدانى دڵ زیاد دەكات بۆ 150 لێدان لە یەك خولەك لەگەڵ بەرزبوونى پەستانى خوێن و زیاد بوونى خوێن لە ماسولكەكان و كەمى خوێن لە پێستدا و كاڵى ڕەنگى دەموچاو و تووشبوون بە ژەهراوى ئەم ماددەیە وەكو زۆر جار دەبینرێت لە بەشەكانى فریاكەوتن (طواري) لە خەستەخانەكاندا.
ئەم ماددەیە دڵەڕاوكێ ى دەروونى (قلق) زیاد دەكات وەكو مخدرات و تێكچوونى شێوەى لێدانى دڵ وەكو باسمكرد لەگەڵ كێشەى نەخەوتن و سەرئێشە و زیاد بوونى ڕێژەى شەكرین لە خوێندا و خوێن بەربوون (نزیف) لە لووتەوە و زوو تێكچوونى ددان و زۆر میزكردن. ئەم جۆرە خواردنەوە ڕێژەى كافایینی زۆرە 32 ملیگرامە بۆ 100 مل (یعنى لە یەك قوتوو 80 ملیگرام كافایینی تیایە) و هەندێكیان ڕێژەى ماددەكان و ووزەكانى نانووسن لەسەر قووتووەكە، كە چی دەبینین گەنجان دەیخۆن وا دەزانن كە ووزەى باشى تیایە، بەڵام مەترسی زۆرە. تەنها خواردنەوەى دوو قووتوو دەبێتە هۆى تووشبوون بە دڵەڕاوكێ ى دەروونى (قلق).

 

وآخر دعوانا أن الحمد لله رب العالمين.
شێرزاد گەرمیانى
ماجستير وراثة
باحث في مجال الأمراض الوراثية الطبية
M.D.(Genetics)
Researcher in Medical Genetic Diseases

 

سەردان: ٦,١٣٧ بەش: خواردن و خواردنەوە